मन लाग्यो मेरो यार फ़कीरी में - राम भजन

____________________________________________

        मन लाग्यो मेरो यार
        मन लाग्यो मेरो यार फ़कीरी में ..

        जो सुख पाऊँ राम भजन में 
        सो सुख नाहिं अमीरी में 
        मन लाग्यो मेरो यार फ़कीरी में ..

        भला बुरा सब का सुन लीजै
        कर गुजरान गरीबी में
        मन लाग्यो मेरो यार फ़कीरी में ..

        आखिर यह तन छार मिलेगा
        कहाँ फिरत मग़रूरी में
        मन लाग्यो मेरो यार फ़कीरी में ..

        प्रेम नगर में रहनी हमारी
        साहिब मिले सबूरी में
        मन लाग्यो मेरो यार फ़कीरी में ..

        कहत कबीर सुनो भयी साधो
        साहिब मिले सबूरी में
        मन लाग्यो मेरो यार फ़कीरी में ..

____________________________________________

ठुमक चलत रामचंद्र जी - Thumak Cahalat Ramchandra ji

_____________________________________________

ठुमक चलत रामचंद्र
ठुमक चलत रामचंद्र बाजत पैंजनियां ..

किलकि किलकि उठत धाय गिरत भूमि लटपटाय .
धाय मात गोद लेत दशरथ की रनियां ..

अंचल रज अंग झारि विविध भांति सो दुलारि .
तन मन धन वारि वारि कहत मृदु बचनियां ..

विद्रुम से अरुण अधर बोलत मुख मधुर मधुर .
सुभग नासिका में चारु लटकत लटकनियां ..

तुलसीदास अति आनंद देख के मुखारविंद .
रघुवर छबि के समान रघुवर छबि बनियां ..

_____________________________________________

श्री राम के भजन - Shree Ram Ke Bhajan

_______श्री रामचन्द्र कृपालु_______

श्रीरामचन्द्र कृपालु भजु मन हरण भवभय दारुणम् .
नवकञ्ज लोचन कञ्ज मुखकर कञ्जपद कञ्जारुणम् .. १..

कंदर्प अगणित अमित छबि नव नील नीरज सुन्दरम् .
पटपीत मानहुं तड़ित रुचि सुचि नौमि जनक सुतावरम् .. २..

भजु दीन बन्धु दिनेश दानव दैत्यवंशनिकन्दनम् .
रघुनन्द आनंदकंद कोशल चन्द दशरथ नन्दनम् .. ३..

सिर मुकुट कुण्डल तिलक चारु उदार अङ्ग विभूषणम् .
आजानुभुज सर चापधर सङ्ग्राम जित खरदूषणम् .. ४..

इति वदति तुलसीदास शङ्कर शेष मुनि मनरञ्जनम् .
मम हृदयकञ्ज निवास कुरु कामादिखलदलमञ्जनम् .. ५..
_____________________________________________